في بحتك شئ..

موضوع: في بحتك شئ.. الثلاثاء أغسطس 26, 2008 1:26 pm

السلام عليكم

بيني وبين الشقا .. سلام رديه
يفتل جروحي وانا انقضها بموالي

عيد بي الهم واثر الدمع عيديه
ولاني بذاخره دام عيوني عيالي

ياعين هلي دموعك كل فجريه
وان لمتك فيوم فولي : مالك ومالي

محتاج طاروق له معنى وقافيه
واستبشري خير والشعر يتهيا لي

القدح من فكري وفالراس جنيه
وان حضر تبي تكتب العالي ..العالي

ماشلتها عرضه ولاهي هجينيه
غنيتها مدري الطاروق غنا لي

بس الوكاد انها قصه غراميه
ابطالها همي وغمي وعذالي

وان قالوا الناس :ذا طبع الهواويه
قلت :استوى عندي الترياق والحالي

العشق بلوى ونفسي فيه مبليه
خلوني اكتب وافضفض لا تفضالي

المسأله: اكبر من احلام ورديه
الحزن لامن لفا جيته على فالي

حزني اعرفه واعرف ابسط مواريه
ولاني لحالي كثير اللي عرف حالي

ياوجد حالي وجود الهقاويه
خانته باغلى رفيق ولا لقى والي

ويا وجد حالي وجود اللي بناخيه
عن عسر حاله وضيقه داله وسالي

في غيبة اللي تمادى بالانانيه
وخلاني فوجه حزني واقف لحالي

ياموسع الضيق لامن مر طاريه
كن الوسيعه تضيق ان مر في بالي

وين انت ؟ ياللي بعادك مثرن فيه
غايب واحسك معي واشوفك قبالي

طيفك ليا مر حاجة لا اراديه
اتبع سرابه واجيه اسابق ظلالي

ياللي من حروفك تغار الرومنسيه
والله قبل لا افقدك فاقدك جوالي

في بحتك شئ يشبه حزن مرثيه
ومن غاب صوتك وانا اللي صدق يرثالي

وعيونك السود اعجاز وخياليه
نادر شبهها مثل ماتندر خصالي

ونظرتك تهدم كياني بكل عفويه
سلهم وشف كيف يبدى بزلزالي

وعودك ليا مال يالمترف بحنيه
قمت اتعزوى واطوح لجله عقالي

وقلبي على ضمتك يسابق ايديه
ويردني طيب ابوي ومرجلة خالي

تكفون ياللي تمرونه علانيه
قولوا له : الموت لامن غاب يبرالي

وقولوا له : ان غيبته ماهيب عاديه
وخلوه يرجع يشوف بعينه احوالي

وقولوا له : انه ذبحني نعنبوا حيه
مايرحم الشوق غالي ينتظر غالي

وقولوا له : ان صد والصده نهائيه
اشوالي اصد !لا والله وش لشوالي؟

حيل الله اقوى عساها روحه بجيه
وعساه يبطي ويرجع ويسعالي

وقولوا له : الله حسيبه كان له نيه
ماعاد يرجع لي وقولوا له :التالي

حرام كلي ظمى وايديه وسميه
وحرام مالي امل مدامه امالي

الشاعر محمد جار الله السهلي

..{

[ العـنـود ] .,.
تسـلميـن يالـغـآإليـهـ علـى الأبيـآإت .,

مـآإننحـرمـش .,.

..}

مررررهـ ثانكساات ياعنودهـ

وماتحرمينا جديدتس يالغلاا

اختتس
soso.20

تسلمووووووووووووووووووون على المروور ربي يعطيكم العاافيه

موضوع: رد: في بحتك شئ.. الأحد أغسطس 31, 2008 11:02 am

وااااو الابيات مرره روووعه..

يكفي ان الي كااتبها محمد جار الله السهلي والي منزلتها عنوووده..

صرااحه اول مرره اقراها ..

يسلموووووو قلبي